Сургууль, цэцэрлэгийн үйл ажиллагааг түр хугацаагаар зогсоолоо

Томуу, томуу тѳст ѳвчний дэгдэлт, тархалт нэмэгдэж байгаатай холбогдуулан сургууль, цэцэрлэгийн үйл ажиллагааг 2-р сарын 8-ны ѳдрийг дуустал түр хугацаагаар зогсоохоор Аймгийн засаг даргын захирамж гарлаа.Энэ хугацаанд хүүхдүүдийн дунд аливаа арга хэмжээ зохион байгуулахыг хориглолоо. 2019 оны 1-р сарын 18-ны ѳдрийн байдлаар ханиад томуу амбулаторийн үзлэгийн 22,1%-ийг эзэлж байна. Иймд ард иргэд, эцэг эхчүүд хүүхэд багачуудаа ханиад томуугаас урьдчилан сэргийлэхийг мэргэжлийн байгууллагууд сэрэмжлүүлж байна.