ЗАР
"Ѳмнѳговьчууд сайхан бичигтэн" уралдаанд А.Ганзориг түрүүлэв
Нутгийн зѳвлѳлийн дарга Д.Бат-Эрдэнийн санаачлагаар Ѳмнѳговь аймгийн Ахмад багш нарын холбооноос Ѳмнѳговьчууд сайхан бичигтэн уралдааныг зарласан билээ. Энэхүү уралдаанд 7 настай балчраас 93 настай ахмад буурлууд хүртэл оролцож олныг хамарсан уралдаан болж 411 сайхан бичигтэн оролцжээ."Ѳмнѳговьчууд сайхан бичигтэн" уралдааны
1-р байранд Авирмэдийн Ганзориг
2-р байранд Аюушийн Цэвэлмаа
3-р байранд Батаагийн Уранчимэг
Тусгай байранд:
Н.Батчимэг
Д.Эрдэнэчимэг
Л.Ѳнѳр
П.Оюунчулуун
5-р сургуулийн Батчимэг багштай 5Б анги хамт олон тус тус шалгарч Ѳргѳмжлѳл, мѳнгѳн шагналаар шагнуулав.
Ѳмнѳговь аймгийн бүх сумдаас гадна Улаанбаатар, Эрдэнэт, Дархан, Ѳвѳрхангай аймгуудад суугаа Ѳмнѳговьчууд энэхүү уралдаанд материалаа ирүүлсэн нь уралдааныг улам цар хүрээтэй болгосон байна. ЕБС-ийн 4 ангийн 96 сурагчид болон малчид, жолооч, эмч нар гээд олон сайхан бичигтнүүд материал ирүүлжээ. 
Уралдаанд оролцсон бүх сайхан бичигтнүүдийнхээ материалыг ном болгон эмхтгэн олон түмэндээ хүргэх ажээ. Энэхүү уралдааныг Ѳмнѳговь аймгийн ахмад багш нар шүүн явуулж шилдгүүдийг тодруулсан юм.
Санал болгох
