ЗАР
ӨМНӨГОВЬ АЙМАГТ ШУУРХАЙ БҮЛЭГ АЖИЛЛАЖ БАЙНА
Улсын Онцгой Комиссын даргын тушаалаар Хил Хамгаалах Ерөнхий Газрын дарга, бригадын генерал Х.Лхагвасүрэнгээр ахлуулсан Шуурхай бүлэг Өмнөговь аймагт ажиллаж байна. Аймгийн Онцгой Комисс, Шуурхай бүлгийн бүрэлдэхүүнтэй өргөтгөсөн хуралдаан зохион байгуулж, аймгийн өнөөгийн нөхцөл байдал, халдварын тархалт, шалтгаан нөхцлийн талаар АОК-н зүгээс дэлгэрэнгүй мэдээлэл өглөө.
Эдийн засгийн тогтвортой байдлыг хангах зорилгоор ковидын халдвар цар тахлаас урьдчилан сэргийлэх, Өмнөговь Дорноговь аймгийг эрсдэлгүй болгох, хилийн боомт болон улс хоорондын ачаа тээврийн үйл ажиллагааг тасралтгүй үргэлжлүүлэх, экспортыг нэмэгдүүлэхэд үүсч буй хүндрэл саатлыг арилгах ажлыг нэгдсэн удирдлага зохион байгуулалтаар хангах үүрэг бүхий Шуурхай бүлгийн бүрэлдэхүүнд Дотоодын цэрэг, ГЕГ, ЗТХЯ, УУХҮЯ, МХЕГ зэргийн холбогдох дарга мэргэжилтнүүд багтаж байна.
Шуурхай бүлэг томилогдон удаа дараа ирж байсан боловч, холбогдох шийдвэр гаргахдаа заавал буцаж байж дээд шатанд уламжилдаг байсан бол, Энэ удаагийн Шуурхай бүлгийн онцлог нь газар дээр нь асуудлыг шийдвэрлэн ажиллана гэдгийн Шуурхай бүлгийн ахлагч ХХЕГ-ын дарга, бригадын генерал Х.Лхагвасүрэн онцоллоо.
ѲМНѲГОВЬ АЙМГИЙН ОНЦГОЙ КОМИСС
Санал болгох
