ЗАР
Хѳл хѳдѳлгѳѳн их байгаа нь цар тахлын тархалтыг хумихад саад болж байна
Ѳмнѳговь аймагт 06-р сарын 20-ныг хүртэл хөл хорио тогтоосон хэдий ч хөл хөдөлгөөн их байгаа нь цар тахлын тархалтыг хумихад саад болж байгааг Эрүүл мэндийн газраас мэдэгдлээ. Гудамж талбайд бѳѳгнѳрѳл үүсгэх, хүүхдээ олон нийтийн газар дагуулж явах, гадаа тоглуулах, тѳв суурин газарт энгийн ѳдрүүдтэй адил хѳл хѳдѳлгѳѳнтэй, халдвартай бүсээс зорчих зэргээр хѳл хорионы дэглэмийг сахихгүй байгаагаас голомт нэмэгдэж байна.
Аймаг, сумын хэмжээнд орох, гарах хөдөлгөөнийг хаасан, уул уурхайн ээлжийг солихгүй байх аймгийн Засаг даргын шийдвэр гарсан хэдий ч халдварын бүс нутгаас "Эрдэнэс Тавантолгой" ХК нэг өдөрт 1800 хүнийг Цогт-Овоо сумын постоор нэвтрүүлжээ.
Мөн төрийн тусгай 805-р ангийн хамгаалалтын тэсэлгээний бодис ачсан машин Цогтцэций сумаар дамжин Гурвантэс сумын "Чинхуа Мак" компанид хүрсэн бѳгѳѳд очсон хамгаалагчийн шинжилгээний хариу эерэг гарчээ.
Аймгийн Засаг даргын 609-р захирамжийг сахиж харьяа байгууллагууд цаашид хяналтаа сайжруулах шаардлагатай байгааг Эрүүл мэндийн байгууллагаас онцгойлон анхааруулж байна.
Санал болгох
