ЗАР
Өмнөговь аймаг амиа хорлох тохиолдлоор улсад дээгүүрт байгаа нь анхаарах асуудал
Статистик үзүүлэлтээр дэлхий дахинд 40секунд тутам 1хүн амиа хорлож байна гэсэн үзүүлэлт гарсан байна. Дэлхийд амиа хорлогсдын тоогоор Монгол улс тэргүүлж, МУ-даа Өмнөговь аймаг хоёрт буюу Хөвсгөл аймгийн дараа орж байна.Амиа хорлох тохиолдлын 47,3% ийг 18-29 насныхан эзэлдэг ажээ. Эрэгтэйчүүд эмэгтэйчүүдээс 4 дахин их амиа хорлодог байна. Гэвч эмэгтэйчүүд амиа хорлох оролдлого ихээр хийдэг гэнэ. Тухайлбал манай аймгийн хувьд 2019 оны байдлаар 25 эрэгтэй, 1 эмэгтэй амиа егүүтгэжээ. Мөн өсвөр насныхан амиа хорлох тохиолдол ихсэж байгаа талаар албаны хүн ярьж байлаа.
Амиа хорлох гол шалтгаан нөхцөл нь нойргүйдэл нь сэтгэл гутрал болж, сэтгэл гутрал нь сэтгэцийн эмгэг болдог гэж мэргэжлийн байгууллага үзэж байна. Үүнээс үүдэн дэлхий нийтээр 10-р сарын 10-ны өдрийг амиа хорлолтын эсрэг өдөр болгон тэмдэглэдэг билээ. Өмнөговь аймгийн БОЭТ "Амь аврах 40 секунд үйлдэлд хамтдаа нэгдэцгээе" өдөрлөгийг зохион байгуулж байгаа юм. Энэ хүрээнд тараах материал, тарааж видео хичээлийг үзүүлж байна.Ш.Оюун-Ухаан
Санал болгох
