ЗАР
Ургацын баяр үзэсгэлэн худалдаанд 13 сумын 50 гаруй ногоочид ирж оролцов
Говийн бүсэд эрчимжсэн таримлын аж ахуйг хөгжүүлэх онол, практикийн олон улсын хурал хоёр дахь өдрөө "Ургацын баяр" үзэсгэлэн худалдаагаар үргэлжилж байна. Ургацын баяр үзэсгэлэн худалдаанд 13 сумын 50 гаруй ногоочид ирж оролцлоо.Говьд тэр бүр тариалдаггүй давжаа алим, улаан хальст сармис, чацаргана, хатаасан, даршилсан ногоо, болон бусад хүнсний ногоо, жимс жимсгэнээр тариаланчид оролцож байна.
Өмнөговь аймаг нь БНСУ-ын Кёнсанбуг аймаг, ХААИС- тай хамтран ажиллах гэрээ байгуулан ажиллаж байгаа билээ. Үүний үр дүнд 6 төрлийн хүнсний ногооны үр үржүүлгийг хийж туршиж, 13 төрлийн хүнсний ногоог тарьж нутагшуулжээ. Гурван жилийн хугацаанд жимс жимсгэнэ, хүнсний ногоог амжилттай тарьж, сайн ажиллаж байгаа аж. Судалгааны үр дүнгээр говийн хөрс нь дулаан сайтай тул жимс, жимсгэнэ тарихад тохиромжтой хөрс хэмээн тодорхойлогджээ.Ш.Оюун-Ухаан
Санал болгох
