ЗАР
ӨМӨЗО-ны ахан дүүсээс Өмнөговьчуудад сэтгэлийн тусламж илгээжээ
ӨМӨЗО-ны "Тэнгэрийн унага", "Болзоо" холбоо/вичат групп/-ны гишүүд Монгол улсад Covid-19 халдвар тархаж, ард иргэдийн амьдрал хүнд байгаа цаг үед элэг нэгт ахан дүүсдээ туслах аян өрнүүлжээ. Энэхүү аянд 8 настай балчраас 80 настай буурлууд, хөгжлийн бэрхшээлтэй иргэд хүртэл оролцож, халуун сэтгэлийн хандиваа өргөсөн байна.Өвөр Монгол ахан дүүсийн сэтгэлийн хандивыг Даланзадгад сумын Зүүн сайханы 5 дугаар багийн иргэн Б.Алтансүх хүлээн авч, аймгийн ИТХ-ын тэргүүлэгч Б.Чинбатын хамт зорилтот бүлгийн айлуудад хүргэсээр байна.
"Зовох цагт нөхрийн чанар танигдана" гэдэг. Хандив тусламж хүлээж авсан Даланзадгад сумын ахмад буурлууд, ард иргэд, хүүхэд багачууд Өвөр Монголын ахан дүүсдээ баярлаж, талархсанаа илэрхийлж байлаа.
Санал болгох
