ЗАР
Ѳмнѳговь аймгийн Баяндалай сумын Аргалантын хэцэд аюул нүүрлээд байна
Өмнөговь аймгийн нутаг дэвсгэрийн 80 хувь нь лицензтэй. Үүнээс Баяндалай сум бол уул уурхайгүй сум гэсэн тодотголтой, малчид ард иргэд нь мал аж ахуй газар тариалан, аялал жуулчлал түлхүү эрхэлж ирсэн. Гэтэл иргэд нь уул уурхайгүй сум хэмээн Баяндалай нутгаараа бахархаж байсан хэдий ч мэдээлэл муутайг нь далимдуулан аль хэдийнээ Баяндалай суманд 18 тусгай зөвшөөрөл олгогдож үүнээс 5 ашиглалтын лиценз аваад байна. Баяндалай сумын Наран багийн нутаг хойд Аргалант хэмээх байгалийн үзэсгэлэнт газар нутаг бөгөөд энд загасгал хэмээх эмийн ургамал ургадаг, бүйлс цэцэглэдэг, адуун сүргийн өлгий нутаг юм. 
Аялал жуулчлал түлхүү хөгжих боломжтой Аргалант хэмээх энэ газар "Монгол манганейз натурал ресурс" ХХК нь 2005 онд Ашиглалтын лиценз, 2008 онд хайгуулын лицензүүд авч 2020 онд Баяндалай сумын Засаг дарга Л.Батбаатарын зөвшөөрлөөр кемпээ байгуулжээ. Мөн Байгаль орчны менежментын төлөвлөгөөг нь Өмнөговь аймгийн БОАЖГ-ын дарга Б.Пүрэвтулга, мэргэжилтэн Б.Оргилмаа, Сумын Засаг дарга Л.Батбаатар нар батлаад өгчихсөн байна. 
Гэтэл малчид тус уурхайг нээлгэхгүй гэдэг дээр хатуу тэмцэж эхлээд байна. Төр засаг орон нутгийн иргэдийн саналыг сонсдоггүй, тѳрийн байгууллагууд нь хоорондоо уялдаа холбоогүйн улмаас компаниуд болон нутгийн иргэдийн хооронд зөрчил үүсч улмаар маш олон эрсдэл дагуулдаг болоод удаж байна. Нэр төр хайсан хүмүүс иргэд малчдын эсэргүүцэл дээр дөрөөлөн шоудах, хуулийн дагуу зөвшөөрөл аваад үйл ажиллагаа эхлүүлсэн аж ахуйн нэгжүүд эдийн засгаараа хохирох гэх зэргээр олон сөрөг үр дагавар үүсч байна. 
Үүнд төр засгийн хариуцлагагүй байдал л ажиглагдаж байна. Өмнөговь аймгаас сонгогдсон УИХ-ын гишүүд орон нутгийн удирдлагууд анхаарч байгаа зүйл огт байхгүй байгаад л нутгийн малчид харамсаж байна. Хэрэв энэ уурхай ашиглалтанд орвол Аргалантын хэц хэмээх сайхан уул толгод устан үгүй болж ахин сэргэхгүйгээр аюул нүүрлэнэ гэж нутгийнхан халаглаж байгаа юм.
Санал болгох
