Халиут овооны тахилга наадам боллоо

Урадын дунд хошууны Халиут хот эрт үеэс үе уламжлан тахиж шүтэж ирсэн Халиут овооныхоо тахилганаадмыг жил бүрийн 08-р сард тэмдэглэж ирсэн уламжлалтай. Овооны наадмаараа эрийн гурван наадмаа хийж бөхөө барилдуулж,сур харваж, морь уралдуулан өргөн дэлгэр нааддаг. Дүнхийн харагдах сүр ихтэй Халиут овоондоо тахилгын үеэр идээ шүүсээ өргөж, лам нар ном хурж, сүсэгтэн олон арц хүжээ өргөж тахидаг. Овооны тахилгыг монгол уламжлал,ёс уламжлалыг чанд сахин хийдэг. Овоондоо элдэв зүйл өргөдөггүй. Олон мянган сүсэгтэн олон ирж сүсэглэн залбирдаг ч Халиут овоо маш цэвэрхэн байдаг бөгөөд овооны соёлыг их дээдэлдэг ажээ.