ЗАР
Зүүн Бөгтийн загийн шугуй
Зүүн Бөгтийн загийн шугуй. Нутгийнхан зарим нь "Балар" гэж нэрлэх ажээ. Хаа холын уулсаас урсан ирэх хурын усаар тэжээгдэн амьдрах Заг, Бударганат энэ хоолой, цагтаа хязгааргүй тэнгис далай мэт их усан сан байсан гэдэг. Харин одоо тэр их ус нь "гүний цэнгэг усны нөөц" нэртэй болж хөрсөн доор наад зах нь 100 м гүнд байгаа гэдэг. Эдүгээгээс олон саяны тэртээ тэнгэр тулан ургаж байсан мод ургамал, галав юүлэх бүрт дарагдан дарагдсаар өнөө цагийнхны шуналыг хөдөлгөсөн их нүүрс болсон нь төрөлх говийг минь "Баялгийн хараал"-д өртүүлэхэд хүргэсэнд бид харамсдаг. "Баялгийн хараал"-д өртсөн, хөгжиж байна гэсээр хамгаа барсан, дэлхийн олон орны жуулчид нутагт маань ирээд, дэлхийд цорын ганцаараа шахуу үлдсэн энэ газар нутгаа мөнхөд хайрлахыг, энэ хэвээр нь хадгалан үлдээхийг захидаг билээ.Х.Түмэндэлгэр
Санал болгох
