ХӨДӨЛМӨРИЙН ХӨЛСНИЙ ДООД ХЭМЖЭЭ 320 МЯНГАН ТӨГРӨГТ ХҮРЭВ

Хөдөлмөрийн хөлсний доод хэмжээг хоёр жил тутам шинэчлэн тогтооно гэсэн хуультай. Уг хуулийн заалтын хүрээнд оны эхний өдрөөс цалингийн доод хэмжээг 320,000 төгрөг болгох шийдвэрийг энэ оны наймдугаар сард гаргасан.

Энэ шийдвэр 2019 оны нэгдүгээр сарын 1-нээс эхлэн хэрэгжиж цалингийн доод хэмжээ 80 мянган төгрөгөөр  нэмэгдэж 320 мянга болов.

Хөдөлмөрийн хөлсний доод хэмжээг тогтоохдоо нэг цагийн 1,904 төгрөг сард 320 мянган төгрөг болгон шинэчлэн тогтоож 2019 оны нэгдүгээр сарын 1-нээс хэрэгжүүлэхээр боллоо.Улсын хэмжээнд 1.1 сая ажиллагсад байна. Эдгээрийн 8 хувь буюу 80 мянга гаруй хүн хөдөлмөрийн хөлсний доод хэмжээгээр цалинждаг байна.

Хөдөлмөрийн хөлсний доод хэмжээг Засгийн газар, ажил олгогч, ажилтны төлөөлөл оролцсон Хөдөлмөр, нийгмийн зөвшлийн гурван талт үндэсний хорооны шийдвэрээр хоёр жил тутамд тогтоодог билээ.