ЗАР
БОЭТөвд МОЛЕКУЛ БИОЛОГИЙН ИЖ БҮРЭН ЛАБОРАТОРИ нээгдлээ
Өмнөговь аймгийн Бүсийн оношилгоо эмчилгээний төвд олон улсын жишигт нийцсэн иж бүрэн молекул биологийн лаборатори байгуулагдаж өнөөдөр нээлтээ хийлээ.
Энэхүү лаборатори байгуулагдсанаар ковид-19 цар тахлын PCR шинжилгээг хийх төдийгүй томуу, томуу төст өвчнийг түргэн шуурхай оношлох боломж бүрдэж байгаа юм.
Эмч, мэргэжилтнийг Халдварт өвчин судлалын үндэсний төвд сургаж, лабораторийн байрыг орон нутгийн төсвийн хөрөнгө оруулалтаар бүрэн засварлаж, нэн шаардлагатай тоног төхөөрөмжөөр хангажээ.
Эрүүл мэндийн яам, RIO TINTO, Оюутолгой ХХК, НҮБ-ын Хүн амын сан, аймгийн Засаг дарга түүний Тамгын газрын хамтын ажиллагааны үр дүнд Вируслогийн иж бүрэн лабораторитой болсноор Өмнөговийн ард иргэдэд үр өгөөжөө өгөх, аливаа өвчин халдварыг эрт илрүүлэх ач холбогдолтой юм.
Санал болгох
