Аймгийн хэмжээнд 15 пост ажиллаж тээврийн хэрэгслийн зорчих хөдөлгөөнийг хянана

Улсын онцгой комиссын хуралдаанаар хот хоорондын зорчигч тээвэр, тээврийн хэрэгслийн зорчих хөдөлгөөнийг 03-р сарын 03-ний өдрийн 06.00 цагаас нээхээр шийдвэрлэсэн. Зам нээхээр орон нутгийн замын хөдөлгөөн ихэснэ. Ялангуяа уул уурхайг дагаж манай аймгийн хувьд маш их хөдөлгөөн нэмэгддэг. Уул уурхайн ажилчид, ачаа тээвэр, хүн тээвэр ихсэхтэй холбогдуулан 3-5-ны өдрүүдэд Цагдаагийн газар мэргэжлийн байгууллагуудтай хамтран аймгийн хэмжээнд 15 байршилд хяналтын пост ажиллуулж байна. Уул уурхайтай сумд болон Цогтцэций болон Гурвантэс, Цагаан хад чиглэлд ч хяналтын постууд ажиллах юм. Цагдаагийн байгууллагаас иргэд, жолооч нарыг анхаарал болгоомжтой, тээврийн хэрэгслийн хурдаа тохируулж замын хөдөлгөөнд оролцохыг онцгойлон анхааруулж байна.