Уул уурхайн салбараас төсөвт оруулсан орлогын дүн 50%-иар өсөв

Уул уурхай, хүнд үйлдвэрийн яамны мэдээлж буйгаар 2018 оны эхний дөрвөн сарын байдлаар улсын төсөвт уул уурхайн салбараас 694.8 тэрбум төгрөг татвар, хураамж хэлбэрээр төвлөрүүлсэн байна. Үүнээс:

Улсын төсөвт оруулсан орлогыг өнгөрсөн оны мөн үетэй харьцуулахад 229.8 тэрбум төгрөг буюу 1.5 дахин өссөн. Үүнээс:

Харин бусад ашигт малтмал өмнөх оны мөн үетэй харьцуулахад 11.2 тэрбум төгрөг буюу 30.9%-иар буурсан байна.

Эрдэс бүтээгдэхүүний экспорт, импорт

2018 оны эхний дөрвөн сарын байдлаар гадаад худалдааны нийт бараа эргэлт 3.7 тэрбум ам.доллар болж  2017 оны мөн үеэс 690.0 сая ам.доллар буюу 22.9%-иар өсчээ. Экспортын дүн импортын дүнгээс 543.4 сая ам.доллараар давж, гадаад худалдаа ашигтай гарлаа.

2018 оны эхний дөрвөн сарын байдлаар экспортод 2.1 тэрбум ам.долларын бараа, түүхий эд гаргасан нь өнгөрсөн оны мөн үетэй харьцуулахад 11.9%-иар өссөн байна. Үүнээс эрдэс баялгийн салбарын экспорт нийт экспортод 1.95 орчим тэрбум ам.доллар буюу 91.6%-ийг эзэлж байна.

Импортоор нийт 1.6 орчим тэрбум ам.долларын бараа, түүхий эд оруулсан нь 2017 оны мөн үеэс 464.2 сая ам.доллар буюу 41.5%-иар тус тус өссөн байна.

Тусгай зөвшөөрлийн хөдөлгөөний мэдээ

2018 оны тавдугаар сарын 14-ний өдрийн байдлаар Монгол улсын хэмжээнд ашигт     малтмалын 3330  тусгай зөвшөөрөл хүчин төгөлдөр бүртгэлтэй байна.

Дөрөвдүгээр сард тусгай зөвшөөрлийн хөдөлгөөн:

Шинээр олгосон ашиглалтын тусгай зөвшөөрөл-3

Шилжүүлсэн тусгай зөвшөөрөл-51

Хугацаа сунгасан-70

Барьцаанд бүртгүүлсэн-13

Цуцлагдсан ба дуусгавар болсон-16

Талбай буцаан өгсөн-10

Эх сурвалж: УУХҮЯ