ЗАР
Ханбогд сум 5 багийн нээлттэй өдөрлөгөө зохион байгууллаа
Монгол орны үүдэн босго Ханбогд сум нь Жавхлант, Баян, Гавилууд, Номгон, Хайрхан гэсэн таван багтай. Жил бүр багийн нэгдсэн хурлыг баг багаараа хийдэг уламжлалтай байна. Энэ жил таван багаа нэгтгэн нэгдсэн өдөрлөг хийж байгаараа онцлогтой хурал боллоо. Тус хуралд багийн иргэд малчид өргөнөөр оролцлоо. Мөн энэ үеэр сум дундын эмнэлэг, сум дундын шүүх прокрурор, цагдаагийн тасаг, гал түймэр унтраах, аврах 66-р анги, ӨБЦТС ТӨХК гэх мэт тус суманд үйл ажиллагаа явуулж, иргэдэд үйлчилдэг төрийн байгууллагууд мэдээлэл өгч, иргэдийн сонирхсон асуултад хариуллаа. 
Мөн тус сумын иргэд малчид өөрсдөд болон орон нутагтаа тулгамдаж буй асуудлуудаа сумынхаа удирдлагад уламжлан, харилцан ярилцаж байлаа.Сумын удирдлагын зүгээс иргэд, малчдынхаа санал хүсэлтийг хүлээн авахын зэрэгцээ, хуралд ирэх шаардлагатай боловч ирээгүй албан байгууллагуудад хариуцлага тооцохоо ч хэллээ.
Ш.Оюун-Ухаан
Санал болгох
