"Говь фестиваль" 15 дахь жилдээ амжилттай зохион байгуулагдлаа

Говь фестиваль- 2019 малчдын өдөрлөг 2 өдрийн турш Өмнөговь аймагт өргөн дэлгэр боллоо. Арга хэмжээнд Улаанбаатар хот, Өмнөговь, Дундговь, Хөвсгөл, Увс, Сэлэнгэ аймаг болон ӨМӨЗО-ы Баяннуур аймгийн нийтдээ 170 гаруй бизнес эрхлэгчид оролцсон байна.Энэ жилийн "Говь фестиваль" арга хэмжээ нь МУ-ын Өмнөговь аймаг, ӨМӨЗО-ны Баяннуур аймагтай хамтын ажиллагаа тогтоосны 30 жилийн ойн хүрээнд онцлогтой болж өнгөрлөө. Тус арга хэмжээнд байгалийн цэвэр бүтээгдэхүүнүүд оролцсон. Тухайлбал говийнхоо хөрсөнд өөрийн гараар тарьсан хүнсний ногоо, малчдын боловсруулсан эко цагаан идээ, ур ухаанаа зориулсан гар урлал, зөгийн бал болон бусад ургамлууд худалдаалагдлаа.
Нийт оролцогчид хоёр өдрийн хугацаанд 150 сая төгрөгний борлуулалтыг хийсэн гэнэ. Эдгээр оролцогчдоосоо шилдэг бараа бүтээгдэхүүнийг 14 номинациар шалгаруулж, шилдэгийн шилдэг гранпри шагналаар Мандал овоо сумын "Ингэн тэгш" ХХК шалгарлааскачать dle 12.0