ЗАР
Цагдаа, дотоодын цэргийн баярын өдөр тохиож байна
МУ-ын засгийн газраас түүхэн ой үйл явдлыг тэмдэглэн өнгөрүүлэх тогтоолоор жил бүрийн 7 сарын 19-ны өдрийг "Цагдаа, дотоодын цэргийн албан хаагчдын өдөр" болгон тэмдэглэж байхаар заасан байдаг. Өмнөговь аймгийн Цагдаагийн газар энэ хүрээнд "Тангараг өргөх ёслолын үйл ажиллагаа", Цол шагнал гардуулах хүндэтгэлийн жагсаалын ажиллагааг зохион байгууллаа.Цагдаагийн байгууллагын 98 жилийн ойг тохиолдуулан эрхэлсэн ажилдаа идэвх зүтгэл үр бүтээл гарган ажилласан алба хаагчдад цол, шагнал гардуулах хүндэтгэлийн жагсаалд сумдын цагдаа, дотоодын цэргийн албан хаагчид ирж оролцлоо.
ЦЕГ-ын даргын тушаалаар Гурвантэс сум дахь Цагдаагийн тасгийн зохицуулагч С.Бат-Очир зэрэг дэв дээгүүр "ЦАГДААГИЙН ХОШУУЧ" цолоор, ЭБС-ны эмч Ц.Энхням "ЦАГДААГИЙН АХЛАХ ДЭСЛЭГЧ" цолоор, мөн байрны эмч С.Эрдэнэбулган офицерийн бүрэлдэхүүнд орж, "ЦАГДААГИЙН ДЭСЛЭГЧ" ЦОЛООР шагнагдлаа.Мөн ЦЕГ-ын даргын тушаалаар "Албаны төлөө -1,2,3 дугаар зэргийн медалиар шагнагдсан болон Цагдаагийн газар, бусад байгууллагын шагналаар шагнагдсан алба хаагчдад шагнал, ЭЦА-ны ойн гарын бэлгийг гардуулав.
Санал болгох
