МУ-ын Төрийн албаны зөвлөлийн даргаар ахлуулсан ажлын хэсэг Өмнөговь аймагт ажиллав

МУ-ын Төрийн албаны зөвлөлийн даргаар ахлуулсан ажлын хэсэг Өмнөговь аймагт ажиллаж Орон нутаг дахь Төрийн захиргааны байгууллага, Салбар зөвлөлийн үйл ажиллагаатай танилцав. 2019 оны 01-р сарын 01-нээс эхлэн Төрийн албаны шинэ хууль шинэчилсэн найруулгаар мөрдөгдөж эхэлсэн. Төрийн албаны шинэ хуулиа дагаад шинэ журмууд батлагдан гарч байгаа. Үүнтэй холбогдуулан 180 төрийн жинхэнэ албан хаагчдад  сургалт хийж арга зүйн зөвлөгөө өглөө. 

"Төрийн албаны шинэчлэлийн бодлогын үзэл баримтлал", "Төрийн албаны ерөнхий шалгалт өгөх болзол", "Төрийн албаны тусгай шалгалт өгөх болзол", "Байгууллагын гүйцэтгэлийн төлөвлөгөө боловсруулах, гүйцэтгэлийн зорилт шалгуур, үзүүлэлтийг тогтоох, тайлан гаргах", "Төрийн жинхэнэ албан хаагчийн гүйцэтгэлийн төлөвлөгөө боловсруулж батлах, ажлын гүйцэтгэл, үр дүн мэргэшлийн түвшинг үнэлэх журам" зэрэг сэдвүүдийг хэлэлцэж төрийн албан хаагчдад шинэ мэдээллээр дүүрэн сургалт боллоо.