Ѳсвөрийн харваачид улсын уралдаанд оролцох бэлтгэлээ хийж байна

БТС-ын төрөлжсөн сургалттай 7-р БДС-ын үндэсний сур харвааны багш, МУ-ын мэргэн С.Баярмаагийн удирдлага дор бяцхан харваач хүүхдүүд МУ-ын “Ѳсвөрийн аварга” шалгаруулах тэмцээнд оролцохоор бэлтгэлээ хийж байна.  Өсвөрийн улсын аваргын тэмцээн энэ сарын 20-ны үеэр болох ажээ. Харваач хүүхдүүд ѳнгөрсөн 05-р сард болсон Улсын нээлттэй харваанааас хоёр алт, нэг  хүрэл медаль хүртсэн амжилттай байна. Мөн  энэ багт улсын хошой  алтан медальт О.Гантөмөр бэлтгэл сургуулилтаа хийдэг.  О.Гантөмөр нь манай улсын  хошой алтан медальтай  цор ганц харваач юм.