Өмнөговь аймгийн СӨБ-ын багш нар харилцан арга туршлагаа солилцож байна

2019 оны хичээлийн жилд багш нар харилцан арга туршлагаа хуваалцах зорилгоор аймгийн хэмжээний бүх цэцэрлэгийг бүсчлэн хуваасан байдаг. Энэ хүрээнд багш нар мэдлэг туршлагаа хуваалцахын зэрэгцээ Улаанбаатар хотын “Шинэ эрин” сургуулийн багшийн сургалтанд хамрагдаж байна. Сургалтаар өнөө цагийн багш ямар шаардлагад нийцсэн байх, хүүхдийг хөгжүүлэхдээ ямар арга зүйг голчилж анхаарах чиглэлээр сургалт явагдлаа. Хүүхдэд мэдлэг, чадвар, хандлагыг олгосноороо цогц чадамж олгоход чиглэгдсэн шинэлэг мэдээлэлтэй сургалтанд хамрагдаж байгаадаа багш нар баяртай байна. Мэдлэг чадвар, төлөвшлийн Бүсийн арга хэмжээнд 6 цэцэрлэгийн 70-аад багш нар оролцож байна.