Цагаан хад суурьшлын бүс дэхь 1235 хүнийг нарийн мэргэжлийн эмч нарын үзлэг, оношлогоонд хамруулав

Цагаан хад суурьшлын бүсэд төрөлжсөн нарийн мэргэжлийн эмч мэргэжилтнүүд 2018 оны 12 сарын 16-20-нд 1235 хүн үзлэгт хамруулан, нийт 12700 орчим үзлэг, шинжилгээ хийсэн байна. 1208 хүнд эмчилгээ зааж, 14 хүнийг харъяаллын эмнэлгийн хяналтад оруулж, 1131 хүнд газар дээр нь тусламж үзүүлж, үнэ төлбөргүй эмчилгээ, сувилахуйн тусламж  үзүүлжээ.
Энэ үзлэгээр сүръеэ өвчтэй-4, уушигны хавдартай-2 хүн илрүүлсэн байна.
7 сартай Хөвсгөл аймгийн харъяат жирэмсэн эмэгтэй хяналтад ороогүй байсныг үзлэг шинжилгээнд хамруулжээ.
Үзлэгт хамрагдсан иргэдийг хаягын бүртгэлээр авч үзэхэд Монгол орны бүх л аймаг, нийслэлийн дүүргүүдээс ирсэн залуус байна.