📅

"АЛТАН НУТАГ" ЦЭНГҮҮНД 500 ГАРУЙ ѲМНѲГОВЬЧУУД ЧУУЛЖ БАЯРАА ТЭМДЭГЛЭЛЭЭ

🕔 2018/12/13 18:54 549
Ѳмнѳговь аймгийн Нутгийн зѳвлѳлѳѳс үдэж буй оныхоо ажлын амжилтыг нутаг усныхантайгаа хуваалцаж "Алтан нутаг" баярын цэнгүүнээ ёслол тѳгѳлдѳр тэмдэглэлээ.
"Ѳмнѳговийн бахархалт хүн"-ээр Баян-Овоо сумын уугуул, МУГБарилгачин Б.Цэдэнсамба, Ханбогд сумын уугуул тѳр нийгмийн нэрт зүтгэлтэн Д.Буянтогтох, Баяндалай сумын уугуул, физик математикийн ахмад багш Д.Түвдэндорж нар шалгарч "Ѳмнѳговийн бахархал-2018" шагналыг хүртлээ.Шагналыг Ѳмнѳговь аймгийн Нутгийн зѳвлѳлийн дарга Д.Бат-Эрдэнэ, УИХГишүүн Н.Амарзаяа, Ѳмнѳговийн бахархалт хүн Т.Наранхүү нар гардуулан ѳглѳѳ.
Ѳмнѳговийн бахархалт хүнээр тодорсон Б.Цэдэнсамба нь Барилгын салбарыг говь нутагтаа хѳгжүүлэх үйлсэд үнэтэй хувь нэмэрээ оруулсан тѳдийгүй Ѳмнѳговь аймгийн засаг даргаар ѳндѳр үр бүтээлтэй ажиллаж нутгийнхаа хѳгжлийн тѳлѳѳ сэтгэл, зүтгэлээ зориулж ирсэн тѳр, нийгмийн нэрт зүтгэлтэн юм. Д.Түвдэндорж нь Ѳмнѳговь аймгийн анхны мэргэжилтэй 2 багшийн нэг. 40 гаруй жил багшилж, 50 гаруй математикийн багш тѳрүүлсэн бѳгѳѳд шавь нараас нь Математикийн 8 гавьяат багш тодорчээ. Физик математикийн ахмад багш маань ѳдгѳѳ 98 насыг зооглон байна.
Д.Буянтогтох нь Тѳр захиргааны байгууллагад тасралтгүй 39 жил, тэр дундаа Ханбогд сумын засаг даргаар 16 жил ажиллажээ.Галба нутгийнхаа ѳнѳѳгийн хѳгжлийн түүхийг бүтээлцэхийн зэрэгцээ түүх домог, ѳв соёлыг түгээн дэлгэрүүлэхэд үнэтэй хувь нэмэрээ оруулсан тѳр, нийгмийн нэрт зүтгэлтэн юм.

"Алтан нутаг" цэнгүүнд сум бүрийн Нутгийн зѳвлѳлѳѳс азын сугалаа явуулж азтангуудаа тодруулж баяр дээр баяр нэмлээ.
Ѳмнѳговь аймгийн Нутгийн зѳвлѳлийн дарга Д.Бат-Эрдэнэ Улаанбаатар хотод амьдарч буй нутгийнхаа 50 ахмадуудыг шинэ жилийн баярт урин оролцуулж хүндэтгэл үзүүлсэнд ахмадууд баяр дүүрэн байлаа. Ийнхүү 500 гаруй Ѳмнѳговьчууд чуулсан цэнгүүнд урлаг соёлын одууд ая дуугаа ѳргѳж дуу хуур дүүрэн баяраа тэмдэглэлээ.скачать dle 12.0

Санал болгох

Санал асуулга

Та вэб сайтаас өөрт хэрэгцээт мэдээ мэдээллийг авч чаддаг уу?

Цаг агаар
Валютын ханш
Уншиж байна