ЗАР
Даланзадгадаас Баяндалай чиглэлийн хатуу хучилттай хар замын үерт эвдэрсэн хэсэгт анхааруулах тэмдэг тэмдэглэгээ хийлээ.
Даланзадгадаас Баяндалай чиглэлийн хатуу хучилттай хар замын 31-32 км орчмын зорчих хэсэгт газрын хана үерийн усанд идэгдэн цөмөрч унах эрсдэл үүсчээ. Аймгийн Засаг даргын орлогч С.Мөнхбаяраар ахлуулсан ажлын хэсэг эрсдэлтэй замын хэсэгт тэмдэг тэмдэглэгээг хийж ажиллаж байна.
Цаашид замын бүтээн байгуулалт үйлдвэрлэгчид үерийн усны урсац голдрилыг нарийн мэдэрч тооцоолох шаардлагатайг энэ хэсгийн замын эвдрэл харуулж байна. Тухайлбал, замын ус зайлуулах хоолой үерийн урсгалаас эсрэг тийш харсан, хэтэрхий цөөн, хоолойн ам дэндүү жижиг хангалтгүй байгаа зэрэг нь зам илүү их эвдрэхэд нөлөөлж байгаа ажээ. Түүнчлэн тухайн замаас уруудаад 34 ширхэг ус зайлуулах хоолойг үерийн элс таг бөглөн даржээ. Улмаар замын арчилгаа цэвэрлэгээний компанитай болох шаардлагатайг ярилцаж байна. Уг зам 2015 онд ашиглалтад орсон бөгөөд энэ хугацаанд нэг ч удаа ус гаталгах хоолойнуудад арчилгаа хийгдэж байгаагүй тухай мэргэжилтэн хэллээ.Сэтгүүлч С.Сумъяа.
Санал болгох
