ЗАР
Мазаалай баавай хамгаалах цогц ажлын хүрээнд сансрын дохиолол бүхий хүзүүвчийг зүүв
Монгол Улсын Ерөнхийлөгчийн санаачилгаар Мазаалай баавай хамгаалах цогц ажлын хүрээнд 2025 оны 09 сарын 12-ны өдөр Говийн Их Дархан Цаазат Газар "А" хэсэг -ийн Улсын тусгай хамгаалалттай газар нутагт хамаарах Сүүж булгийн баянбүрдэд 70 кг жинтэй Эвш, 25 кг жинтэй бамбаруушийн хамт барьж сансрын дохиолол бүхий хүзүүвчийг амжилттай зүүлээ.️ Байгаль орчин, уур амьсгалын өөрчлөлтийн яамны санхүүжилтээр хийж буй энэхүүажлыг Монголын ховор амьтан, ургамал хамгаалах мазаалай нийгэмлэг ТББ, Австрали улсад төвтэй MongoliaAid International Inc., байгууллага болон Говийн их дархан цаазат газрын А хэсгийн хамгаалалтын захиргаа хамтран хэрэгжүүлж байна.
Энэ удаагийн хүзүүвч нь байршлын мэдээлэл дамжуулахаас гадна өөр дээрээ бичлэг хийх хүчин чадалтай бөгөөд тухайн зүйл амьтны шилжилт хөдөлгөөн, идэш тэжээл, амьдрах орчны сонголт зэрэг биологи, экологийн онцлогийг судлахад ихээхэн ач холбогдолтой юм.
Санал болгох
