2000 орчим багш, сурагчдыг хамарсан Боловсролын хөтөлбөрийг эхлүүлжээ

Орон нутгийн боловсролыг дэмжих хөтөлбөр Цогтцэций сумын Мөрөөдөл 6-р сургууль, Т.Борын нэрэмжит сургуулиудад хэрэгжихээр боллоо. "Энержи ресурс ХХК"-ийн 100 хувийн хөрөнгө оруулалтаар уг хөтөлбөр хэрэгжих бөгөөд багш нарын цалинг 20 хүртэл хувиар нэмэгдүүлнэ. Мөрөөдөл 6-р сургуульд "ЗӨВЛӨХ БАГ" ажиллуулна. Мөн багш сурагчдын сурч хөгжих орчинг сайжруулахад тодорхой хөрөнгө оруулалтыг хийх юм.Говийн суманд чанартай боловсрол эзэмших боломж, нөхцлийг бүрдүүлэхээр Энержи ресурс ХХК 2012 оноос хойш үе шаттай хөтөлбөрийг хэрэгжүүлж байгаа билээ.Энэхүү Боловсролын хѳтѳлбѳрт Цогтцэций сумын дунд сургуулийн 2000 орчим багш, сурагчид хамрагдах юм.